ព្រឹត្តិការណ៍ទាន់ហេតុការណ៍


ឯកឧត្តម ប្រធាន ក្រុមប្រឹក្សាខេត្ត
ឯកឧត្តមអភិបាលខេត្ត

ឯកឧត្តម បណ្ឌិត ម៉ៅ ភិរុណ



ព័ត៌មានថ្មីៗ
គ្រួសាររងគ្រោះដោយភ្លើងឆេះផ្ទះ ទទួលបានអំណោយពីសាខាកាកបាទក្រហមកម្ពុជាខេត្តកណ្តាល

ខេត្តកណ្តាល៖ដើម្បីជួយសម្រាលនូវទុក្ខលំបាករបស់ប្រជាពលរដ្ឋដែលកំពុងរងគ្រោះដោយអគ្គិភ័យឆេះផ្ទះចំនួន ២ខ្នងផ្ទះ ដោយឆេះ​ទាំង​ស្រុង​ចំនួន១ខ្នង និងរងផលប៉ះពាល់ចំនួន១ខ្នង នាព្រឹកថ្ងៃទី២៣ ខែសីហា ឆ្នាំ២០២០ សាខាកាកបាទ ក្រហមកម្ពុជាខេត្តកណ្តាល ដឹកនាំ ដោយ​លោក ទៀង សុគន្ធ  អនុប្រធានអចិន្ត្រៃយ៍​គណៈកម្មា​ធិការ​សាខា​កាក​បាទក្រហម កម្ពុជាខេត្ត តំណាងដ៏ខ្ពង់ខ្ពស់ ឯកឧត្តម គង់ សោភ័ណ្ឌ ប្រធាន​គណៈកម្មាធិការសាខាកាកបាទក្រហមកម្ពុជាខេត្ត និងសហការី បាន​អញ្ជើញចុះសួរសុខទុក្ខ និងនាំយកអំណោយមនុស្ស​ធម៌មួយចំនួន​របស់​សាខាកាកបាទក្រហមខេត្ត ផ្តល់ ជូនដល់ប្រជាពលរដ្ឋ​រងគ្រោះ​ចំនួន​ ២ខ្នងផ្ទះ ស្មើនឹង ២គ្រួសារ ស្ថិត នៅ ភូមិ ប្រក់ក្តារ ឃុំ វិហារហ្លួង ស្រុក ពញាឮ ខេត្តកណ្តាល ។

ថ្ងៃទី ២៣ សីហា ២០២០
ពិធីសំណេះសំណាលជាមួយព្រះសង្ឃ សីលវន្ត សីលវតី និងមន្ត្រីរាជការ កងកម្លាំង ប្រជាការពារ យុវជន យុវនារី ជុំវិញពុទ្ធមណ្ឌល វិបស្សនាធុរៈ ភ្នំអដ្ឋរស្ស

ខេត្តកណ្តាល៖ ព្រឹកថ្ងៃទី២៣ ខែសីហា ឆ្នាំ២០២០ រដ្ឋបាលខេត្តកណ្ដាល រៀប​ចំ​ពិធី​សំណេះ​សំ​ណាលជាមួយព្រះសង្ឃ សីលវន្ត សីលវតី និងមន្ត្រីរាជការ កងកម្លាំង ប្រជាការពារ យុវជន យុវនារី ​ជុំវិញពុទ្ធមណ្ឌល វិបស្សនាធុរៈ ភ្នំអដ្ឋរស្សស្ថិតក្នុងឃុំផ្សារដែក ស្រុកពញាឭ ​ខេ​ត្តក​ណ្តាល ក្រោមអធិបតីភាពឯកឧត្ដមបណ្ឌិត ម៉ៅ ភិរុណ ប្រធានក្រុមប្រឹក្សាខេត្ត ​និ​ង​ឯ​ក​ឧ​ត្ដ​ម​ គ​ង់ សោភ័ណ្ឌ អភិបាលខេត្តកណ្ដាល ដែលពិ​ធី​នេះ​មា​នកា​រអ​ញ្ជើញ​ចូ​ល​រួ​ម​ពី​ស​ម្ដេ​ច​ឧ​ត្ដ​ម​មុ​នី​ ជា​ សំអាង ព្រះមេគុណខេត្ត មហាឧបាសិកាពុទ្ធសាសរូបត្ថម្ភស្រីមតី អ​គ្គ​ធម្ម​ចរិយា​ស្រី​សាស​​នពុ​ទ្ធ សុខ អ៊ីម ឧត្តមទីប្រឹក្សា នៃពុទ្ធមណ្ឌល វិបស្សនាធុរៈ លោកឧកញ៉ា ស្រី ចាន់ថន លោ​កឧក​ញ៉ា លឹម ប៊ុនណា ឯកឧត្ដម លោកជំទាវ សមាជិកក្រុមប្រឹក្សា ព្រះមន្ត្រីសង្ឃ ម​ន្ទី​រ​អ​ង្គ​ភា​ព​ជុំ​វិ​ញខេត្ត កងកម្លាំងទាំង៣ អាជ្ញាធរមូលដ្ឋាន និងប្រជាពលរដ្ឋជាង៦០០នាក់។

ថ្ងៃទី ២៣ សីហា ២០២០
ពិធីសម្ពោធដាក់ឲ្យប្រើប្រាស់ ស្ពាន ផ្លូវ ស្ថានីយបូមទឹក និងពិនិត្យការដ្ឋានសាងសង់លូ ព្រលានយន្តហោះជុំវិញបន្ទាយសុវត្ថិភាពទួលក្រសាំង

សមិទ្ធផលជាច្រើនរួមមានស្ពាន ផ្លូវ ស្ថានីយបូមទឹក និងប្រព័ន្ធលូរំដោះទឹក ត្រូវ​បា​ន​ឯ​ក​ឧត្ត​ម​ គង់ សោភ័ណ្ឌ អភិបាលខេត្តកណ្ដាល អញ្ជើញសម្ពោធដាក់ឲ្យប្រើប្រាស់ជាផ្លូវការ នារសៀលថ្ងៃ​ទី​០៤ ខែសីហា ឆ្នាំ២០២០។ ដែលពិធីនេះមានការអញ្ជើញចូលរួមពី ឯកឧត្តម លោ​ក​ជំទាវ អភិបាលរងខេត្ត មន្ទីរអង្គភាពជុំវិញខេត្ត កងកំលាំងទាំងបី និងប្រជាពល​រ​ដ្ឋ​ជា​ច្រើ​ន​នា​​ក់។

ថ្ងៃទី ០៤ សីហា ២០២០
សាខាកាកបាទក្រហមកម្ពុជាខេត្តកណ្ដាល ចូលរួមរំលែកទុក្ខ គ្រួសារសព លោក ឆាយ សុខ ដែលបានស្លាប់ដោយរន្ទះបាញ់ កាលពីថ្ងៃទី១៦ ខែមិថុនានេះ

ខេត្តកណ្តាល ៖នៅរសៀលថ្ងៃទី១៧ ខែមិថុនា ឆ្នាំ២០២០ ឯឧត្តម គង់ សោភ័ណ្ឌ ​អ​ភិ​​បាល​ ​នៃគណៈអភិបាលខេត្ត ​និ​ង​ជា​ប្រធា​នគណៈ​កម្មាធិការ​សាខា​កាក​បាទ​ក្រហម​កម្ពុជា​ខេត្ត​កណ្ដាលបានចាត់ឱ្យលោកវេជ្ជបណ្ឌិត គួ​យ ប៊ុនធឿន ​អនុប្រធានគណៈក​ម្មា​ធិ​កា​​​រ​សា​ខា​កា​ក​បា​ទ​ក្រ​ហ​មកម្ពុជាខេត្តដឹកនាំប្រតិភូ​សាខា១ក្រុមចុះសួរសុខទុក្ខនិង​នាំ​យ​ក​អំ​​​ណោ​យ​ម​នុ​ស្ស​ធ​ម៌​ ទៅចូលរួម​បុ​ណ្យសព​លោក ឆាង សុខ​ ​ដែ​​ល​រ​ង​គ្រោះ​បា​​ត់​ប​ង់​ជី​វិ​ត​ដោ​​យសាររន្ទះបាញ់ កាលពីរសៀលថ្ងៃទី១​៦ ខែមិថុនា ឆ្នាំ២០២០ វេលាម៉ោង ៤រសៀល នៅ​ភូ​មិ​ព្រែ​ក​ហូរលិច សង្កាត់ព្រែកហូរ ក្រុងតាខ្មៅ។ ដោយមានការអញ្ជើញរួមដំណើរដោយ ​ប្រតិភូ​អ​នុ​សា​ខាក្រុងតាខ្មៅ ក្រុមកាកបាទក្រហមសង្កាត់ព្រែកហូរ និងអាជ្ញាធរដែនដីភូមិ សង្កាត់ ​ជា​ច្រើ​ន​រូបទៀត។

 
ថ្ងៃទី ១៧ មិថុនា ២០២០
សាខាកាកបាទក្រហមកម្ពុជាខេត្តកណ្ដាល ទទួលអំណោយមនុស្សធម៌ជាថវិកា ពីស្នងការដ្ឋាននគបាលខេត្ត មន្ទីជុំវិញខេត្ត និងសប្បុរសជននានា ដើម្បីជួយជនរងគ្រោះ និងជនងាយរងគ្រោះក្នុងខេត្តកណ្ដាល

ខេត្តកណ្តាល ៖ ដើម្បីចូលរួម និងគាំទ្រជាមួយសកម្មភាពមនុស្សធម៌ រ​ប​ស់​​សា​ខា​កាកបាទក្រហមកម្ពុជាខេត្តកណ្ដា​ល កាលពីពេលថ្មីៗនេះ ស្នងការដ្ឋាននគបាលខេត្ត ​មន្ទី​រ​ពា​ណិ​ជ្ជកម្មខេត្ត មន្ទីរឧស្សាហ​កម្ម វិទ្យាសាស្ត្រ បច្ចេកវិទ្យា និងនវានុវ​ត្តន៍ ​និ​ង​ស​ប្បុ​រ​ស​ជ​ន​នា​នា​ ​បា​ននាំយកអំណោយមនុស្សធម៌ ជាថវិកា ​ដើម្បីជួយជនរងគ្រោះ និ​ង​ជ​ន​ងា​យ​រ​ង​គ្រោះ​ក្នុ​ងខេត្តកណ្ដាល និងក្នុងគោលបំណងចូលរួ​មអបអរសាទរខួបទី១៥៧ ​ទិ​វា​ពិ​ភ​ព​លោ​ក​កា​ក​បា​ទ​ក្រហម​ អឌ្ឍចន្ទក្រហម ៨ឧសភា ​ឆ្នាំ២០២០ ក្រោមប្រធានបទ ​" ខ្ញុំ ❤️សន្តិភាព និ​ង​កា​ក​បាទក្រហមកម្ពុជា " ក្រោមអធិបតីភាព ឯកឧត្តម គង់ សោភ័ណ្ឌ អភិបាល នៃគណៈអ​ភិ​បា​ល​ខេ​ត្តកណ្តាល និងជាប្រធានគណៈកម្មាធិការសាខាកាកបាទក្រហ​មកម្ពុជាខេត្ត នៅទីស្នាក់ការ​សា​ខាកាកបាទក្រហមខេត្តកណ្តាល។

ថ្ងៃទី ១៧ មិថុនា ២០២០
អំពីខេត្តកណ្តាល

ខេត្ត​​កណ្តាល​​គឺ​​​ជា​​​ខេត្ត​​​មួយ​ក្នុង​ចំ​ណោម​រាជ​ធា​នី​ខេត្ត​ទាំង ២៥ នៃ​ព្រះ​រា​ជា​ណា​ចក្រ​កម្ពុជា ដែល​មាន​ព្រំ​ប្រ​ទល់​ខាង​លិច​ទល់​នឹង​ខេត្ត​កំពង់​ស្ពឺ ខាង​កើត​ទល់​នឹង​ខេត្ត​ព្រៃ​វែង ខាង​ជើង​ទល់​នឹង​ខេត្ត​កំពង់​ឆ្នាំង កំ​ពង់​ចាម ខាង​ត្បូង​ទល់​នឹង​ខេត្ត​តា​កែវ និង​ខេត្ត​អាន​យ៉ាង ប្រ​ទេស​វៀត​ណាម ។ ខេត្ត​មាន​ផ្ទៃ​ដី​សរុប ៣២១១,៧៥៩ គ.ម២ មាន​ក្រុង​ចំនួន ១ និង ស្រុក​ចំនួន ១០ មាន ១២៧​ឃុំ​-សង្កាត់ និង ១០​១០ ភូមិ ប្រ​ជា​​ពល​រដ្ឋ​សរុប ១,២៥៤,២៥៨​នាក់ ស្រី ៦៤០,៨៥២​នាក់ ប្រ​ជា​ពល​រដ្ឋ​អា​យុ ១៨​ឆ្នាំ​ឡើង ៧៩៧,៣៧០នាក់ ចំនួន​គ្រួ​សារ ២៦៩,២៥៨គ្រួ​សារ ដង់ស៊ីតេ៣៩០នាក់/គម។ ខេត្ត​មាន​សក្តា​នុ​ពល លើ​ការ​ងារ​បង្ក​បង្កើន​ផល​ស្រូវ ដំ​ណាំ​អនុ​ផល នេ​សាទ និង​ជា​មូល​ដា្ឋន អា​ជី​វកម្ម ឧស្សា​ហ​កម្ម​ផង​ដែរ ។

សេចក្តីប្រកាស